Բարի լույս

Կյանքում և բիզնեսում գոյություն ունեն 2 սխալներ` առաջինը` գործել չմտածված. Երկրորդը` ընդհանրապես ոչ մի բան չձեռնարկել:

Կ. Այկեն

World Of Creative Ads - Nike

World Of Creative Ads - Nike from World Of Creative Minds on Vimeo.

Creative Ads - Apple

World Of Creative Ads - Apple from World Of Creative Minds on Vimeo.


Գովազդի ևս մեկ օրինակ :)  Վայելեք...

Ովքե՞ր են խոշորագույն հայ բիզնեսմենները. «Time to analyze»

«Time to analyze» անկախ լրատվական վերլուծական պորտալը հրապարակել է աշխարհի տասը խոշորագույն հայ գործարարների ցանկը:

«Դժվար է աշխարհում գտնել մի երկիր, որտեղ չկա հաջողակ հայ գործարար: Աշխարհի տարբեր երկրների կառավարություններ պատմական տարբեր ժամանակահատվածներում հայերին են վստահել պատասխանատու պաշտոններ և ֆինանսական գործեր»,- նշվում է պորտալում:

Ըստ ցուցակի՝ առաջին հորիզոնականում է ամերիկյան հզորագույն կորպորացիաների «Tracinda Corporation»-ի հիմնադիր և նախագահ Քըրք Քըրքորյանը: 2005 թվականին «Washigton Post» հեղինակավոր թերթը Քըրքորյանին դասել է ԱՄՆ-ի պատմության մեջ առավել հաջողված բիզնես ցանկի երկրորդ հորիզոնականում՝ Բենջամին Զիգելբաումից հետո: Քըրքորյանը հիմնադիրն է «Միացյալ հայկական հիմնադրամի» և «Լինսի» հիմնադրամի: Հայկական խորհրդի համագործակցության տվյալներով' 1988-2011 թթ. Քըրքորյանն ավելի քան 5 մլրդ դոլար է տրամադրել Հայաստանի և Լեռնային Ղարաբաղի տարբեր հայկական կազմակերպո ւթյուններին: Արժանացել է Հայաստանի ազգային հերոս բարձրագույն պարգեւին:

«Time to analyze»-ի ցանկի երկրորդ տեղում է «MetLife» ապահովագրական և ֆինանսական կառավարման միջազգային կորպորացիայի նախագահ Սթիվեն Կանդարյանը, ում ունեցվածքը հեղինակավոր «Business Pundit» ամսագիրը գնահատել է 25 մլրդ դոլար: Նա յուրաքանչյուր տարի միլիոնավոր դոլարներ է ներդնում ամերիկահայության հիմնադրամներում և հովանավորում Միացյալ Նահանգների առաջատար լոբբիստական խմբերին:

«American International Airports» և «Aeropuertos Argentina 2000» ընկերությունների նախագահ, ագենտինահայ բարերար Էդուարդո Էռնեկյանը երրորդ տեղն է զբաղեցնում ցուցակում: Նրան են պատկանում 32 օդանավակայաններ Արգենտինայում և մեկական Ուրուգվայում, Էկվադորում և Հայաստանում: Նա համարվում է Արգենտինայի ամենահարուստ մարդը, ինչպես նաև ընդգրկված է Հարավային Ամերիկայի հինգ ամենահարուստ մարդկանց ցուցակում: Էռնեկյանը Լատինական Ամերիկայում հայկական կազմակերպությունների գլխավոր ֆինանսական դոնորն է:

Չորրորդ և հինգերորդ հորիզոնականները համապատասխանաբար զբաղեցնում են' Նյու Ջերսիի խոշորագույն «Hovnanian Enterprises Inc.» շինարարական ընկերության համահիմնադիր Գևորգ Հովնանյանը և «West Publishing» աշխարհահռչակ հրատարակչության տնօրենների խորհրդի անդամ և գործադիր փոխնախագահ, «Գաֆեսճեան ժամանակակից արվեստ»-ի թանգարանի հիմնադիր Ջերարդ Գաֆեսճեանը, որի հիմնած հիմնադրամը միլիոնավոր դոլարներ է ներդնում Հայաստանում էլեկտրաէներգիայի ստացման հիդրոգեն աղբյուրների և արեգակնային էներգիայի կուտակման մարտկոցների վրա:

Աշխարհի տասը խոշորագույն հայ գործարարների ցանկում ընգրկվել են նաև դեղորայքի և կենսատեխնոլոգիաների արտադրությամբ զբաղվող «ՄԱՐՍ» հոլդինգի հիմնադիր և նախագահ բրիտանահայ Վաչե Մանուկյանը, հեռահաղորդակցության հսկա միջազգային «ALCATEL» ըկերության գլխավոր տնօրեն ֆրանսաբնակ Սերժ Չուրուկը, Կարիբյան կղզիների պատմության մեջ Բահամյան կղզիների ամենամեծ «Baha Mar» հանգստյան գոտու հիմնադիր և նախագահ Սարգիս Իզմիրլյանը և «Franck Muller» բրենդային էլիտար ժամացույցների ընկերության գլխավոր տնօրեն, Ֆրանսիայ ում Հայաստանի գլխավոր հյուպատոս Վարդան Սիրմակեսը: Տասներորդ գործարարը «Собеседник» հրատարակչության տնօրենների խորհրդի նախագահ, հետխորհրդային երկրներում ամենամեծ հայ բարերար Լևոն Հայրապետյանն է:

So what is 'Integrated Advertising'?

So what is 'Integrated Advertising'? from The Digital Baker on Vimeo.


Շատ հետաքրքիր կլինի նրանց համար, ովքեր հետաքրքրված են մարքեթինգով :

Բարի լույս

Մեր վաղվա պլանների իրականացման միակ խոչընդոտը կարող են լինել մեր այսօրվա կասկածները (Ֆրանկլին Ռուզվելտ):

Այսօր էլ այսպիսի կարգախոս ընտրեք Ձեր համար:  ՄԻ կասկածե'ք : Շարժվեք առաջ: Սակայն հիշեք` Միշտ չէ, որ նպատակը արդարեցնում է միջոցները: 

Ի՞նչ է ֆրանչայզինգը

Հաճախ ենք լսում Ֆրանչայզինգ, ֆրանչայզինգային գործունեություն կամ նմանատիպ այլ բարեր, որոնց իմասը մեզ ծանոթ չէ:

Եկեք այսօր հասկանանք , թե ինչ է իրենից ներկայացնում ՖՐԱՆՉԱՅԶԻՆԳԸ:

Ֆրանչայզինգի Միջազգային ընկերակցությունը հետևյալ սահմանումն է տվել ֆրանչայզինգին. Շարունակական հարաբերություն, որով ֆրանչայզինգային բիզնեսի տերը մեկ այլ անձի տրամադրում է արտոնագրված իրավասություն զբաղվել իր բիզնեսով, ինչպես նաև ցուցաբերում է օժանդակություն կազմակերպման, ուսուցման, ղեկավարման առումներով և այս ամենի դիմաց ստանում է հատուցում ֆրանչայզինգային բիզնեսից:

Սովորաբար ֆրանչայզինգի միջոցով կարելի է փոխանցել հանրահայտ ապրանքային նշան, նոու-հաու, բիզնեսի վարման մշակված համակարգ և ցանկացած ոչ այլ նյութական ակտիվ: Տվյալ պարագայում բիզնեսի տերը համարվում է ֆրանչայզատու, իսկ օգտվող կողմը ֆրանչայզակալ: Որպես կանոն ֆրանչայզինգային պայմանագրերը կնքվում են 5-20 տարով: Դրանք ունեն մի քանի առանձնահատկություններ՝

1. Սահմանափակվում են որոշակի տարածքով՝ քաղաք, մարզ, պետություն, տարածաշրջան:

2. Պետք է հստակ սահմանվեն այն ուղղությունները, որով ֆրանչայզատուն կաջակցի ֆրանչայզակալին՝ ուսուցում, դիզայն, շուկայի ուսումնասիրություն և այլն:

3. Ֆրանչայզակալը սովորաբար ֆրանչայզատուին վճարում է շրջանառության մեծությունից և դա կախված չէ ֆրանչայզակալի շահույթից, դա հստակ սահմանված գումար է:

Փորձը ցույց է տալիս, որ ֆրանչայզինգային բիզնեսն ունի և առավելություններ, և թերություններ:  Ֆրանչայզակալի համար հիմնական առավելությունն այն է, որ օգտագործելով հայտնի ապրանքանշանը և բիզնեսի նոր տեխնոլոգիաները՝ կարողանում է արագորեն տեղ գրավել շուկայում: Իսկ ֆրանչայզատուն շահում է նրանով, որ արագորեն ներթափանցում է այլ երկրներ ու տարածաշրջաններ: Թերությունն այն է, որ ֆրանչայզակալները որոշակի կախվածության մեջ են լինում ֆրանչայզատուից, չեն կարողանում ինքնուրույն որոշումներ կայացնել՝ կախված տեղական շուկայի փոփոխություններից: Օրինակ ենթադրենք ֆրանչայզակալը համարում է, որ զեղչերի օպտիմալ ժամանակը դեկտեմբերն է, իսկ ֆրանչայզատուն կարող է այլ ժամկետ նշանակել և այլն:

Գործնականում կիրառվում է ֆրանչայզինգի 3 ձևեր՝

- Ապրանքի ֆրանչայզինգ, երբ արտադրողը խանութպանին լիազորում է իրացնել իր թողարկած ապրանքները՝ թույլատրելով անվանման և ապրանքանիշերի օգտագործումը: Մեզ մոտ դրա վառ օրինակներն են հագուստի վաճառասրահները:

-Արտադրության ֆրանչայզինգ, որով կազմակերպությանն իրավունք է տրվում արտադրել ու հանրությանը վաճառել որևէ ապրանք՝ ֆրանչայզատուի անվամբ և առևտրային նշանի ներքո: Արտադրոթյան ֆրանչայզինգի օրինակ է Coca-Cola ընկերության գործունեությունը Հայաստանում:

- Բիզնես ֆրանչայզինգ, որը հիմնականում վերաբերվում է դիստրիբյուտոր ընկերություններին: Այսինքն ֆրանչայզակալը պարտավորվում է գնել և իրացնել միայն մեկ ընկերության արտադրանք: Եթե դիստրիբյուտորն ինքն է հիմանականում որոշում, թե ինչ քաղաքականությամբ վաճառի ապրանքը, ապա կարիք չկա կնքելու ֆրանչայզինգային պայմանագիր:

Կարևոր է նշել նաև, որ ֆրանչայզինգի պայմանագիր կարող են կնքել տվյալ երկրի երկու տարբեր ընկերություններ և հաստատեն նման հարաբերություններ: Իսկ թե ինչ հսկայական բաց կա մեր շուկայում բոլորն էլ գիտեն, ուստի մեծ հնարավորություն կա ֆրանչայզինգային գործունեությունը զարգացնել Հայաստանում ի դեմս McDonald’s-ի: Չնայած, նշեմ նաև, որ ֆրանչայզինգային պայմանագիրը վերջինիս հետ կնքելու համար հարկավոր կլինի մոտավորապես 450000  ամերիկյան դոլլար` նվազագույնը: 

Ինչպե՞ս տրամադրվել աշխատանքի` արձակուրդից հետո /շարունակություն/

Է՞լ ինչ կարելի է անել՝ հանգստից հետո աշխատանքին վերադառնալը հեշտացնելու համար:

Ահա մի քանի խորհուրդներ.

1. Մի խախտեք օրվա սովորական ռեժիմը
Եկեք պայմանավորվենք, որ արձակուրդի առաջին իսկ օրվանից սկսած մենք կտրամադրվենք մեզ թույլ չտալ մինչև ուշ գիշեր նստել հեռուստացույցի առջև, կամ երեկույթից տուն վերադառնալ արևածագին, իսկ հետո օրվա կեսը քնել: Այս ամենը կհանգեցնի նրան, որ երբ կգա աշխատանքին վերադառնալու ժամանակը, հանգստի փոխարեն արձակուրդը կավարտվի թմրածության ու հոգնածության զգացումով:

Լավագույնը, որ դուք կարող եք անել, որպեսզի ժամանակին և ոչ հիվանդագին զգացողությամբ վերադառնաք սովորական աշխատանքային ռեժիմին, արձակուրդի ժամանակ պառկել և վեր կենալն է ձեզ համար սովորական դարձած ժամին: Զարթուցիչը դրեք և ձեր ամենօրյա գործերին անցեք այն ժամին, ինչպես սովորաբար անում եք: Այդժամ արձակուրդից հետո առաջին աշխատանքային օրերին դուք քնկոտություն չեք ունենա և սովորականից ավելի հոգնածություն չեք զգա:

2. Արձակուրդի ժամանակ թույլ մի′ տվեք ուղեղին ոչինչ չանելու
Սովորաբար մենք հակված ենք մտավոր ուժերը գործի դնել ըստ անհրաժեշտության, երբ տրվում ենք հանգստի և հաճույքի: Բայց չպետք է թողնել ուղեղին թուլանալու, այն պետք է «տոնուսի մեջ պահել» և անընդհատ ինչ-որ բեռնվածություն տալ: Կարդացե′ք գրքեր, լուծե′ք խաչբառեր, խաղացե′ք տրամաբանական խաղեր: Արդյունքում ձեր ուղեղն իրեն չի կորցնի, երբ, անցնելով աշխատանքի, անհրաժեշտություն առաջանա լարել մտավոր կարողությունները:

3. Ձեր գործընկերերի հետ կապերի մեջ մնացե′ք
Իհարկե, մենք բոլորս նախընտրում ենք հեռանալ աշխատանքի հետ կապված ամենօրյա հոգսերից և խնդիրներից, երբ հանգստանում ենք: Բայց այն մարդիկ, ովքեր ապահովում են իրենց անտեսանելի ներկայությունն աշխատանքում՝ անգամ գտնվելով հայրենական տնից բավականաչափ հեռու, խուսափում են արձակուրդից վերադառնալուց հետո անսպասելի ծանրաբեռնվածության տակ կքումից: Չէ՞ որ նրանք տեղյակ են լինում բոլոր գործերից, և արձակուրդից հետո ավելի հեշտ են տրամադրվում աշխատանքին։  Բարեբախտաբար, հեռախոսային կապը և այլ ժամանակակից տեխնոլոգիաները մեզ թույլ են տալիս տեղյակ լինել բոլոր գործերից, անգամ այն դեպքում, երբ մենք շատ հեռու ենք մեկնում:

4.  Երբ արձակուրդն ավարտվում է, տրամադրեք 2-3 օր, որպեսզի պատրաստվեք առաջին աշխատանքային օրվան,
Ավելի լավ է արձակուրդից տուն վերադառնալ մի քանի օր առաջ: Այդպես դուք ավելի արագ կհարմարվեք տնային պայմաններին, կարող եք ավելի հանգիստ պայմաններում բնակարանում կարգուկանոն հաստատել և հավաքել ամեն բան, ինչն անհրաժեշտ է աշխատանքը սկսելուց առաջ:

5. Ստուգեք ձեր աշխատանքային էլեկտրոնային փոստը` առաջին աշխատանքային օրվա նախօրեի երեկոյան:
Դրան տրամադրեք մի ժամ՝ հանգիստ տնային պայմաններում, և դա ձեզ կազատի գլխացավից ու հաջորդ օրը ձեր գլխին թափվող գործերի մի մասից:

6.  Հնարավորության դեպքում մի′ վերադարձեք աշխատանքի երկուշաբթի օրը:
Փորձեք պլանավորել ձեր վերադարձը երեքշաբթի կամ չորեքշաբթի օրերին: Այդ դեպքում դուք ստիպված չեք լինի բախվել երկուշաբթի օրվա կուտակված գործերի քաոսին՝ երկարատև հանգստից անմիջապես վերադառնալուց հետո:

7.  Աշխատակիցների հետ փոխանակվեք տեղեկատվությամբ:
Կա հիանալի հնարավորություն ընկղմվելու աշխատանքային պայմանների իրավիճակի մեջ: Իմացեք, թե ի՞նչ է տեղի ունեցել այն նախագծի հետ, որը մշակվում էր մինչև ձեր գնալը և այսօր ինչպիսի՞ խնդիրների առջև է կանգնած աշխատանքային թիմը: Այդ կերպ ձեզ ավելի հասկանալի կլինի՝ առաջին աշխատանքային օրն ի՞նչ է պահանջվում հատկապես ձեզանից:

8.  Շտապեք աստիճանաբար

Երբ դուք աշխատանքի եք վերադառնում հանգստի մի քանի օրերից կամ շաբաթներից հետո, ձեզ կարող է սպասվել մեծ ծավալի աշխատանք: Երբեմն նույնիսկ դուք կարող եք շփոթմունք զգալ`՝ չիմանալով ինչի՞ց և ինչպե՞ս սկսել:

Ամենալավը, որ կարելի է անել՝ սկսել չշտապելով, անել ամեն ինչ հերթականությամբ: Ստուգեք ձայնային հաղորդագրությունները, էլեկտրոնային փոստը, կազմեք ընթացիկ խնդիրների ցուցակ: Դա կհեշտացնի անցումն աշխատանքային ռեժիմի և թույլ կտա աստիճանաբար անցում կատարել ավելի մասշտաբային խնդիրների լուծմանը:

Հույս ունենք, որ խորհուրդները կօգնեն շատ ավելի լավ տրամադրվել աշխատանքի և կհեշտացնեն վերադարձը աշխատանքային գործունեությանը: Եթե, ամեն դեպքում, ձեզ մոտ ցանկություն է առաջանում տուն փախչել և թաքնվել ծածկոցի տակ` ձեզ վրա թափված հոգսերից, փորձեք հանգստանալ ու մտածել այն մասին, թե ինչու՞ է ձեր աշխատանքն ավելի լավը մյուսներից:

Չէ՞ որ այն կարևոր է ձեզ համար, այդպե՞ս չէ: Այն ձեզ համար ունի հատուկ նշանակություն, որը կատարելով, դուք հետապնդում եք որոշակի նպատակներ: Դուք գումար եք աշխատում, որն անհրաժեշտ է կարևոր խնդիրների լուծման համար, դուք կարիերա եք ստեղծում, դուք ինքնահաստատվում եք որպես անհատ: Վերջիվերջո, դուք սիրում եք այն, ինչ անում եք:

Իսկ եթե լավ հանգստից հետո միանգամից աշխատանքին վերադառնալը ձեզ համար վերածվում է իսկական մղձավանջի, այդ դեպքում, հնարավոր է դուք վերագնահատեք ձեր կարիերան: Չէ՞ որ, երբ աշխատանքը դուր է գալիս, դուք անհամբերությամբ եք սպասում արձակուրդից վերադառնալուն: Հատկապես եթե դուք ճիշտ եք տրամադրվում հանգստից աշխատանքի անցմանը:

Ինչպե՞ս տրամադրվել աշխատանքի` արձակուրդից հետո

Կան բաներ, որոնք աշխատող հասարակությունը ողջ տարվա ընթացքում անհամբերությամբ է սպասում՝ հանգստյան օրերը և արձակուրդը: Դա հասկանալի է՚ հիանալի ժամանակ լիցքաթափվելու...

Կան բաներ, որոնք աշխատող հասարակությունը ողջ տարվա ընթացքում անհամբերությամբ է սպասում՝ հանգստյան օրերը և արձակուրդը: Դա հասկանալի է՚ հիանալի ժամանակ լիցքաթափվելու, շփվելու ընկերների, հարազատների, տան անդամների հետ, հարաբերություններն ամրապնդելու ամենալավ պահը: Ողջ օրն աշխատավայրերում նստելու փոխարեն կարող ենք հրաժեշտ տալ տոթ գրասենյակին և գնալ լեռներ, ծով, գրավիչ հեռավոր վայրեր:

Կարող ենք շրջել խանութներով, նայել գեղեցիկ ցուցափեղկերին, տանը մնալ և տրվել հեռուստացույցի առջև ոչինչ չանելուն: Մենք կարող ենք անուշեղեններ ճաշակել, նույնիսկ քնել մինչև ճաշի ժամը: Մի խոսքով` արձակուրդը մեզ հնարավորություն է տալիս լավ թուլանալու և աշխատանքից հանգստանալու:

Բայց… Վաղ թե ուշ հանգիստը վերջանում է։ Ահա մոտենում է օրը, երբ անհրաժեշտ է արդեն աշխատանքի գնալ: Երկարատև արձակուրդից հետո աշխատանքին վերադառնալը երբեք հեշտ չէ, եթե միայն վերին աստիճանի աշխատամոլ չեք: Միայն նրանք, ովքեր անգամ լողափին պառկած, մտքով շարունակում են գտնվել գրասենյակում և չեն կարողանում սպասել արձակուրդի կամ հանգստյան օրերի ավարտին, կկարողանան վերադառնալ աշխատանքի հեշտորեն:

Իրավամբ դժվար է աշխատանքի վերադառնալ երկարատև ընդմիջումից հետո: Ողջ աշխարհում միլիոնավոր մարդիկ տառապում են սթրեսից, որը հոգեբաններն անվանում են «ետտոնական համախտանիշ»: Սթրեսի նման տեսակից ազատվելու համար պահանջվում են զգալի ջանքեր, երբեմն էլ դիմում են մասնագետների օգնությանը:

Տարբեր հաստատութոյւններում անցկացված հետազոտությունները ցույց են տվել, որ.

• աշխատակիցների 66%-ը, վերադառնալով արձակուրդից կամ երկարատև հանգստյան օրերից, ակտիվ սթրես է ունենում,
• աշխատակիցների սթրեսի մակարդակի որոշումը հանգստյան օրերից առաջ, ընթացքում և հետո ցույց է տվել, որ նրանցից կեսի մոտ հանգստի դրական ազդեցությունը անհետացել է աշխատանքի վերադառնալու առաջին իսկ երեք օրերի ընթացքում, իսկ երեք շաբաթ անց՝ ընդհանրապես չի զգացվել, որ վերջերս հաջողվել է հանգստանալ,
• աշխատակիցների 76%-ի մոտ աշխատանքին վերադառնալու առաջին շաբաթվա ընթացքում սթրեսի և հոգնածության մակարդակը մոտ է եղել մինչև տոները ընկած օրերի հոգնածության մակարդակին:

Որո՞նք են ետտոնական սթրեսի աշտանիշները.

Ահա ավելի բնութագրական նշանները, որոնցից մեկի կամ մի քանիսի առկայությունը ավելի ակնհայտորեն է վկայում սթրեսի առկայության մասին.

• թախիծ,
• մելամաղձոտություն,
• բարկություն,
• անհանգստություն,
• արագ հոգնելիություն,
• գլխացավեր,
• մկանային ցավեր,
• ընկալման խանգարումներ, երբ նույնիսկ դյուրին գործերն անհնարին են թվում:

Ինչպե՞ս հաղթահարել սթրեսը հանգստյան օրերից և արձակուրդից հետո

Ետտոնական սթրեսի հետ պայքարն արագ արդյունքներ կունենա, եթե զբաղվեք ձեզանով և այդ խնդիրը չմատնեք ինքնահոսի, որի համար շատ բան չի պահանջվում.

• փորձեք չխրվել աշխատանքի մեջ հանգստյան օրերից հետո ընկած առաջին իսկ օրերին, այլ սկսեք աստիճանաբար վերադառնալ աշխատանքային գրաֆիկին,
• մի՛ պլանավորեք լուրջ հանդիպումներ առաջին աշխատանքային օրվա սկզբին,
• կատարեք գոնե ամենահասարակ ֆիզիկական վարժությունները, այն լավ օգնում է հաղթահարել սթրեսը,
• ձեզ համար արեք ինչ-որ հաճելի բան, մի՛ սկսեք սպասել հաջորդ տոնին կամ արձակուրդին:

Փորձե՛ք հավասարակշռություն պահպանել աշխատանքի և անձնական կյանքի միջև: Դա նշանակում է, որ յուրաքանչյուր օր անհրաժեշտ է ժամանակ գտնել կյանքի կարևորագույն չորս ասպեկտների համար՝ աշխատանք, ընտանիք, հետաքրքրություններ ընկերների հետ միասին, իհարկե, նաև սեփական հետաքրքրություններ և կարիքներ: Հանգստից հետո առաջին օրերին շատ կարևոր է որքան հնարավոր է շատ ժամանակ գտնել բացառապես ինքդ քեզ համար:

Դա կօգնի հաղթահարել ճնշվածությունը և արագ ազատվել սթրեսից: Փորձեք ազատվել բացասական մտքերից և հուզումներից, որպեսզի նրանք չկուտակվեն, այլապես դա կարող է կործանիչ հետևանքների պատճառ դառնալ:

Արձակուրդից հետո աշխատանքային ռեժիմին վերադառնալը

Մինչ արձակուրդ մեկնելը պետք է աշխատանքն ավարտին հասցնել: Եթե ցանկանում եք, որ հանգիստը խաղաղ անցնի ու առաջին իսկ աշխատանքային օրը չդիմավորի ձեզ կուտակված գործերի մի ամբողջ կույտով, համոզվեք, որ ձեր ետևում չեք թողել անլուծելի խնդիրներ: Մի թողեք անկարգ իրավիճակ գործերում և ձեր աշխատավայրում, այդ դեպքում դուք հանգստյան օրերից հետո ստիպված չեք լինի աշխատանքն սկսել վիթխարի կույտը մաքրելուց:

                                                                                                         Շարունակելի...

Մերչենդայզինգ – ապրանքների դասավորության մասին

Բոլորս էլ գիտենք, որ խանութում ապրանքների ճիշտ դասավորությունն ավելացնում է վաճառքի ծավալները: Սա երևի միակ կանոնն է, երբ տեղերը փոխելիս արդյունքը նույնը չի լինում: Ահա մի քանի կանոններ, որոնք պետք է կիրառել ապրանքները դասավորելիս:

Շատ հաճախորդներ, մտնելով խանութ, սկսում են գնահատել: Այդ պատճառով որոշ խանութներ ապրանքները դասավորում են ըստ գների և այն էլ աճման կարգով: Սա արվում է նրա համար, որ հաճախորդը` մտնելով խանութ, իր համար տեսնի գայթակղիչ գին և հարմարավետ զգա: Եթե Դուք էլ մտնում եք ինչ-որ խանութ ու թանկ գներ են լինում, ապա շտապում եք դուրս գալ, քանի որ այնտեղ մնալն ուղղակի անիմաստ է: Այնինչ, ոչ մի խանութի մենեջեր չի ցանկանա, որպեսզի մտնողը միանգամից դուրս գա, ուստի պետք է հետևի այս կանոնին` խանութի մուտքի մոտ տեղադրել ակցիայով առաջարկվող, կամ էժան ապրանքները:

Դարակաշարերում ապրանքների դասավորությունը պետք է ընկած լինի 1,0-1,8մ տարածքում, քանի որ աչքի և ձեռքի զոնաներում տեղադրված ապրանքներն ամենաշատն են վաճառվում: Յուրաքանչյուր ապրանք պետք է դիմացի մասով դասավորված լինի դարակներում, այնպես, որ պիտակները երևան մոտեցող հաճախորդին: Շատ կարևոր է պահպանել ֆեյսինգը, որի ժամանակ գոնե պետք է մի ապրանքից իրար կողք ներկայացված լինի նվազագունը 3 հատ:

Դարակները չպետք է դատարկ լինեն: Հիշեք, որ ապրանքների լիքը լինելը մարդկանց տալիս է լիության զգացում, ուստի շատ հաճախ խանութներում կարող ենք տեսնել հայելի, որն էլ ավելի է մեծացնում ապրանքների քանակությունը մեր աչքին:Շատ կարևոր է նաև ապրանքների նույն գունային գամման ապահովելը դասավորության ընթացքում: Տեսեք, որ նկարում ներկայացված օրինակն իսկապես աչք է շոյում իր գունային ներդաշնակությամբ:

Շատ կարևոր է նաև նկարների առկայությունը պատերին, որոնք իհարկե պետք է առաջացնեն դրական էմոցիաներ: Հիշեք, որ միայն վառ ներկայացված նկարներն են մարդկանց տալիս իսկապես դրական էմոցիաներ: Կանանց ավելի շատ դուր է գալիս բնություն, երեխաներ, երջանիկ մարդիկ, իսկ տղամարդկանց ավելի շատ հաջողություն, երեխա, ուժ, հաղթանակ, մեքենա և այլն:

Օրինակ` մի շարք սուպերմարկետներում հետազոտություն է անց կացվել, որի արդյունքում պարզվել է, որ գնի տակ ընդգծելն ապրանքի վաճառքն ավելացրել է 4%-ով, իսկ գնի կողքին առկա սմայլիկը` 20%-ով, այսինքն հաղթեց էմոցիան:

Մյուս հետաքրքիր քայլն ապրանքը շրջապատող մյուս ապրանքների մասին է, քանի որ լիդեր-ապրանքն իր շուրջն է հավաքում հաճախարդներին` այստեղից հետևություն, որ ինչքան հնարավոր է ձեր ապրանքը պետք է մոտ լինի լիդերին: Լինելով ուժեղ ապրանքների կողքին` թույլերը նույնպես սկսում են լավ վաճառվել:

Երբեմն պետք է հաշվի առնել, որ դարակաշարի գրավչությունը կարող է հանգեցնել վաճառքների կորստի, ինչու՞: Որովհետև գեղեցիկ դասավորությունը շատ հաճախ ոչ ոք չի ցանկանում փչացնել ու ապրանքն այդպես էլ չի վաճառվում, կամ ասենք անհարմար է հանել, քանի որ բուրգը կփլվի: Այսպիսով պետք է այնպիսի տեսք տալ, որ հաճախորդը չմտածի փլվելու, կամ դարակաշարի տեսքը փչացնելու մասին:

Վիզուալ մերչենդայզինգ. Pave Bicycle store-ի օրինակը մաս 5

Հայտնի է, որ վաճառասրահի ամենակարևոր մասը որոշվում է հաճախորդների հոսքից, այսինքն, թե որ ուղղությամբ են նրանք շարժվում: Ամենաորակյալ, ամենաշատ գովազդվող, անգամ ամենատարածված ապրանքը չի կարող լավ վաճառվել, եթե նրա դիրքը սուպերմարկետում շատ վատ է ընտրված:

Գոյություն ունի 4 պատճառներ, որի համար ապրանքը պետք է լինի հաճախորդի հոսքի հենց սկզբում՝

1. Սայլակը – Սուպերմարկետ մտնելուն պես հաճախորդին չի հուզում, որ այն կարող է միանգամից լցվել և հանգիստ գնումներ է կատարում՝ չմտածելով, որ կարող է կոշտ փաթեթավորմամբ ապրանքը վնասել ավելի նուրբ փաթեթավորում ունեցող ապրանքին: Այսինքն տեղ կա, ամեն մի ապրանք հեշտ է դասավորել, երբ սայլակը դեռ լցված չէ: Բայց պատկերացրեք, Ձեր ապրանքը տեղադրված է ներսում, ունի կոշտ փաթեթավորում, իսկ սայլակը լիքն է, արդյունքում, հաճախորդն այն չի գնում: Իսկ եթե լիներ մուտքի մոտ, ապա հաստատ կլիներ նրա սայլակում: Բացի այդ էլ այն դատարկ ավելի հեշտ է կառավարվում և արդեն ներսում նա ավելի շատ շտապում է ծանր սայլակով շուտ հասնել կասսային, քան մնալ ներսում և այն ավելի ծանրացնել:

2. Գնումներ – Որոշ ապրանքների գնումներ իմպուլսիվ են և շատ հաճախ ոչ պլանավորված ապրանքներ գնելու ցանկությունը լինում է սուպերմարկետ մտնելիս, քանի որ հաճախորդը դեռ շատ գումար չի ծախսել և չի մտածում խնայելու մասին:

3. Մրցակցի ապրանքը – Հնարավոր է, որ Դուք տեղափոխեք ապրանքն ավելի ներս, իսկ մրցակիցը դնի մուտքի մոտ և ունենա ավելի շատ վաճառք, քան Դուք:

4. Գումար – Գումարի գործոնը  շատ կարևոր է հաշվի առնել, քանի որ երբ հաճախորդը մտնում է սուպերմարկետ, նա վստահ է: Սակայն սայլակի ծանրանալուն պես նրա վստահությունը մարում է, ուստի շատ կարևոր է հենց սկզբից Ձեր ապրանքն ընկնի նրա աչքին:

Սուպերմարկետի մուտքը նշվեց, իսկ ահա հաջորդ ամենակարևոր վայրը դրամարկղն է, որտեղ հաճախորդները կանգնում են և ավելի շատ իմպուլսիվ գնումներ են կատարում: Ավելի նպատակահարմար է այս դիրքում տեղադրել թերթեր, ժուրնալներ, կոնֆետներ, մաստակներ, ծխախոտներ, որոնք հիմնականում իմպուլսիվ գնվող ապրանքներ են:

Որպես սպառող ես նույնպես ամեն ինչ սկսում եմ սկզբից, բայց ոչ բոլորի մոտ է այսպես ստացվում: Շատերը միանգամից մտնում են ներս և մտնում ավելի խորը, բայց միևնույնն է, մուտքի մոտ եղած ապրանքների վաճառքի հավանականությունն ամենամեծն է:

Իսկ հիմա ներկայացնեմ Pave Bicycle store-ին, որն իր յուրօրինակ դասավորությամբ կարողացել է ավելացնել իր վաճառքի ծավալները: Այս ցանցը ստեղծվել է արվեստի թանգարանի հիման վրա: Այսինքն այստեղ ներկայացված է ոչ թե սերիական ապրանքներ, այլ առանձին առանձին  մոդելներ: Ընկերության ղեկավարությունն ավելի շատ կողմ է քիչ, բայց որակյալ ապրանքի ներկայացմանը: Իսկ ներկայացնելուց հարկավոր է ամբողջությամբ երևան հեծանիվները: Այս խանութի նպատակը մեկն է, հաճախորդը տեսնի ամբողջ ապրանքի տեսքը, որն էլ գնման համար ամենակարևոր խթաններից է: Հեծանիվների ներքևի մասում առանջին-առանջին ներկայացված են մոդելների անունները, գինը, գնման պայմանները, երաշխիքը, մի խոսքով ամեն ինչ: Այս ամենն արված է նրա համար, որպեսզի հաճախորդը կանգնի, տեսնի, հետաքրքրությունը բավարարելու համար կարդա և տեղեկանա հեծանիվի վաճառքի մասին ամեն ինչից: Իսկ ահա տեխնիկական մասը նրանց շատ մատչելի կերպով մատուցում են վաճառողները:

Վիզուալ մերչենդայզինգ. Food emporium ընկերության օրինակը մաս 4

Այսօր նույնպես ցանկանում եմ ներկայացնել մերչենդայզինգի մասին և որպեսզ կանոն նախoրոք պետք է ներկայացնեմ որևէ տեսական նյութ և այնուհետև օրինակ: Նախորդ մասերում օրինակները  կոշիկների և հագուստների դասավորությունների մասին էին ներառված, իսկ այս անգամ որոշեցի նշել շոկոլադե սալիկերի դասավորությունը: Բայց մինչև այդ օրինակին անցնելը դիտարկենք, թե ինչպիսին պետք է լինի օպտիմալ սուպերմարկետը:

Բնականաբար մինչև օրինակին անցնելը սկսենց մեր տեսական մասից: Այսօրվա տեսական մասը դա սուպերմարկետի վաճառասրահի ներքին հարդարումն է: Նպատակը տարածքի արդյունավետ օգտագործումն է, հաճախորդների լիարժեք շարժի ապահովումը, գայթակղինչ ինտերիերը: Վաճառասրահները  լինում են հիմնականում երեք տեսակի՝

1. Այս տիպի դասավարությունը հնարավորություն է տալիս տարածքից մաքսիմալ օգտվել և  շարքերի եզրերը այս դեպքում շատ լավ են աշխատում:

2. Հիմնականում լինում է մեծ հիպերմարկետներում, որի նպատակը մեծ տեսականի ներկայացնելն է մի ուղղության վրա և մեծ տարածությունը, քանի որ այստեղ պետք է ճիշտ ղեկավարել մարդկանց հոսքը:

3. Այս տեսակի դարակների դասավորությունը հիմնականում դիզայնի համար է արվում, որպեսզի գրավի հաճախորդներին, բայց իրականում տարածքի զբաղեցման առումով շատ վատն է, քանի որ և քայլելու համար է անհարմար, և քիչ է եզրային դարակների արդյունավետությունը՝

Մարդկանց քայլելու հարմարավետությունն ապահովելու համար հիմնականում դարակների հեռավորությունը պետք է լինի 1.8 մետր, իսկ օրինակ մեզ մոտ այն անգամ լինում է 1.4-ից քիչ: 1.8 մետրի նպատակը կայանում է նրանում, որ հնարավորություն տա 60 սմ-անոց սայլակներին շարժվել տարածությունում:

Food Emporium

Իսկ հիմա հերթը հասավ օրինակին, որը Food Emporium խանութների ցանցն է: Այստեղ շոկոլադները երբեք չեն պառկեցվում, այլ դրվում են կանգնած վիճակում և մեկը մեկի միջև ունեն որոշակի ազատ տարածք ու աջ կողմի վրա, որը աջ ձեռքի համար է, այսինքն հաճախորդը ձեռքով կարողանա հարմար վերցնի շոկոլադը: Գները գնապիտակների վրա երկու անվանումով են, որտեղ մեկը մի շոկոլադի, իսկ մյուսը տուփով շոկոլադի գինն է:

Food Emporium-ը համարվում է Նյու-Յորքի ամենահետաքրքիր խանութներից մեկը: Այստեղ շոկոլադի տեսականին այնքան հարուստ է, որ նշվում է երկրներով, այսինքն իտալական, գերմանական, ֆրանսիական շոկոլադներ, որոնք առանձին բաժիններով են: Հետաքրքիր մոտեցում է, երբ շոկոլադը ներկայացվում է ոչ թե տեսքով, այլ արտադրության վայրով:  Այստեղ դասավորության իմաստը կայանում է նրանում, որ անընդհատ թարմացվում և փոփոխվում է ապրանքների դասավորությունը: Դա միգուցե նրա համար է, որ մարդու աչքին ձանձրալի չթվա նույն տեսքը, սակայն միշտ էլ մի խնդիր կա, որ հաճախորդը կարող է իր ուզածը չգտնել և դժգոհ մնալ: Այստեղի մյուս յուրահատկությունը սալիկներն են, որոնք մարդիկ կարող են գնել և իմանալ, թե որ շոկոլադն ինչ համ ունի և կատարեն արդեն մեծ գնումներ: Դա նրա համար է, որպեսզի հաճախորդը կարողանա իմանալ համը, թեկուզ ցածր գնով և քանակությամբ, բայց գնի և փորձի:

Վիզուալ մերչենդայզինգ. Munich Barcelona ընկերության օրինակը մաս 3

Հիմա կներկայացնեմ, թե ինչպես են դասավորվում կոշիկներն առևտրի սրահում: Սովորաբար կոշիկները բաշխվում են ըստ՝

1. Դասավորություն ըստ բրենդների՝

Շատ հաճախ գործարարները կարծում են, որ իրենց բրենդները հայտնի են սպառողներին, սակայն իրականում, եթե մենք հարցում անենք փողոցում, ապա դժվար թե լինեն գոնե մի քանի տասնյակ մարդ, ովքեր կկարողանան թվարկել գոնե կոշիկի յոթ բրենդ: Եթե խանութում բոլոր բրենդները քիչ հայտնի են, բայց մի բրենդ հայտնի է, ապա ավելի ճիշտ է այն առանձնացնել ընդհանուրից և ներկայացնել որպես առանձին բրենդ իր POS մատերիալներով: Այսպիսի բրենդի ներկայացումը հնարավոր է տարբերվի խանութի ներքին հարդարումից՝ ստեղծելով shop-in-shop: Այս տարբերակը իհարկե ձեռնտու է բրենդի համար, քանի որ միշտ էլ այն աչքի է ընկնում, իսկ ահա այն բրենդները, որոնք ցածր և միջին գնային կատեգորիայում են, նրանք ավելի շատ աշխատում են ապրանքի վաճառքի քանակության վրա, ուստի բոլորից առանձնացնելն ուղղակի անիմաստ է`

← Ավտոարտադրողների լոգոներ, որոնք նմանեցվել են այլ ընկերությունների կողմից

Աֆորիզմներ հաջողության մասին մաս 5 →

Վիզուալ մերչենդայզինգ. Munich Barcelona ընկերության օրինակը մաս 3

Posted on September 23, 2012by Businessbloger.net

Գրառման երկրորդ մասը կարող եք կարդալ այստեղ: Կրկին ցանկանում եմ անդրադառնալ մերչենդայզինգի կոնցեպցիաներից մեկին, բայց արդեն ոչ թե տեսական գիտելիքով, այլ կոնկրետ ապրանքի տեսակով, ուստի այս անգամ որևէ կանոն չեմ ներկայացնի, այլ պարզապես մեկ օրինակ դասավորության մասին և մեկ խանութի օրինակ :

Հիմա կներկայացնեմ, թե ինչպես են դասավորվում կոշիկներն առևտրի սրահում: Սովորաբար կոշիկները բաշխվում են ըստ՝

1. Դասավորություն ըստ բրենդների՝

Շատ հաճախ գործարարները կարծում են, որ իրենց բրենդները հայտնի են սպառողներին, սակայն իրականում, եթե մենք հարցում անենք փողոցում, ապա դժվար թե լինեն գոնե մի քանի տասնյակ մարդ, ովքեր կկարողանան թվարկել գոնե կոշիկի յոթ բրենդ: Եթե խանութում բոլոր բրենդները քիչ հայտնի են, բայց մի բրենդ հայտնի է, ապա ավելի ճիշտ է այն առանձնացնել ընդհանուրից և ներկայացնել որպես առանձին բրենդ իր POS մատերիալներով: Այսպիսի բրենդի ներկայացումը հնարավոր է տարբերվի խանութի ներքին հարդարումից՝ ստեղծելով shop-in-shop: Այս տարբերակը իհարկե ձեռնտու է բրենդի համար, քանի որ միշտ էլ այն աչքի է ընկնում, իսկ ահա այն բրենդները, որոնք ցածր և միջին գնային կատեգորիայում են, նրանք ավելի շատ աշխատում են ապրանքի վաճառքի քանակության վրա, ուստի բոլորից առանձնացնելն ուղղակի անիմաստ է`

2. Դասավորություն ըստ չափսերի՝

Էկոնոմ ֆորմատի խանութների համար իրական չէ դասավորության այսպիսի ձևը, քանի որ հսկայական տարածք է անհրաժեշտ նման կերպ ներկայացնելու համար: Պատկերացնում եք, թե քանի կոշիկի համար կա և այդքանն իրենց տեսականիներով և ըստ սպառողների՝ երեխաներ, կին տղամարդ: Այս կոնցեպտի հաջողությունը կայանում է նրանում, որ հաճախորդը խնայում է ժամանակը և գնում այդ դարակների մոտ, որոնք իրեն են համապատասխանում: Այսինքն այստեղ ավանդական մեթոդ չի կիրառվում, այլ ներկայացվում են դարակները՝ ըստ ոտքերի չափսերի: Հիմանականում նման կերպ վաճառում են հայտնի դիսքաունթերները, որոնք աշխատում են ցածր գնային կատեգորիայում`

3. Դասավորություն ըստ հավաքածուի՝ 

Հավաքածու հասկացությունը կարելի է դասակարգել գունային գամմայով, կոշիկի տեսակով, գնային կատեգորիայով, մի խոսքով դա կախված է խանութի մոդելից: Հավաքածուներն ավելի հետաքրքիր կլինի վաճառել փոխլրացնող ապրանքներով, որն իհարկե ավելի լավ տարբերակ է վաճառողի համար: Այսինքն կոշիկի հետ վաճառել այս աքսեսուարներ՝ պայուսակ, գոտի և այլն: Այսպիսի դասավորություն կարելի է գտնել հիմնականում միջինից բարձր և բարձր գնային կատեգորիա վաճառող խանութներում`

4. Դասավորություն ըստ կատեգորիայի՝ 

Մինչև կոշիկ դասավորելը հետաքրքրվեք, թե ինչ է նախընտրում սպառողը, ինչի համար է  մտնում խանութ: Իսկ խանութի նպատակն է բավարարել նրա հետաքրքրությունների ողջ շրջանակը: Օրինակ՝ ամենագլխավոր գործոններից մեկն այն է, թե ինչ է հաճախորդը փնտրում խանութներում: Ամենահարմար տարբերակը դասավորության այս տեսակն է, քանի որ մարդկանց հստակ ցույց է տրվում կոնկրետ կատեգորիան՝ սպորտային, դասական, բարձրակրունկ և այլն: Մեկ հիշեցում ևս, ամենապահանջված և նոր կոշիկների կատեգորիան  տեղադրեք ամենալավ տեղում, քանի որ նրանք իրենց են գրավում հաճախորդներին`

Վիզուալ մերչենդայզինգ. Nike Harajuku ընկերության օրինակը մաս 2

Կանոն 2. Վառ գունային գամմա.

Կան որոշ գույներ, որոնք մարդու աչքն ավելի արագ է ընկալում, քան ասենք մյուսները: Հենց գույներն են առաջին շփում ստեղծողները, որոնք հաճախորդին ստիպում են այցելել խանութ: Օրինակ՝ կարմիրը, դեղինը, նարնջագույնն ունեն այդ հատկությունը, ուստի նման գույնի ապրանքներն ավելի մեծ հավանականությամբ հենց առաջինն են հայտնվում հաճախորդի տեսադաշտում: Շատ կարևոր է ընտրել ճիշտ գունային գամման: Եթե ապրանքն ավելի շատ էկոլոգիապես մաքուր է, ապա միանշանակ գույնն ընտրվում է կանաչը: Վալենտինի օրվա համար համապատասխան գույներն են սպիտակն ու կարմիրը, Ամանորի համար նախընտրելի է ոսկեգույն, կանաչ, կարմիր և սպիտակ գույները, փոքրիկ երեխաների համար հիմնականում երկնագույն և բաց վարդագույն գույներն են նախընտրելի:

Այսպիսով երկրորդ ամենակարևորը գործոնը գույնն է, որի համար ներկայացնելու եմ կրկին ճապոնական ընկերություններից մեկին՝ Nike Harajuku-ին, որը գտնվում է Տոկիոյում:

2009 թվականին բացված այս խանութը մեծ իրարանցում առաջացրեց ոչ թե նրա համար, որ Nike-ի հերթական խանութն էր և մարդիկ պետք է այցելեին զուտ անունի պատճառով, այլ իր հետաքրքիր դասավորության և գունային գամմայի: Խանութում ներկայացվել էին Nike ընկերության 2 տեսակի սպորտային կոշիկները՝ Lunar Glide-ն ու Air Attack-ը: Իսկ հիմա նկարներն ավելի պարզ կարտացոլեն, թե ինչումն է կայանում խանութի յուրահատկությունը՝

Խանութի արտաքին տեսքն է դրսից, ապրանքների համաչափ դասավորությունն արդեն իսկ աչք է շոյում՝

Վիզուալ մերչենդայզինգ. 24 Issey Miyake ընկերության օրինակը մաս 1

Մի քանի գլուխներից բաղկացած գրառումներում ես կներկայացնեմ մերչենդայզինգի մասին հետաքրքիր նյութեր, ինչպես նաև օրինակներ, թե ինչպես են տարբեր ընկերություններ կիրառում մերչենդայզինգի կոնցեպցիաները:

Հետազոտությունները ցույց են տվել, որ (66-67%) դեպքերում մարդիկ ապրանքի գնման որոշումը կայացնում են հենց առևտրի սրահում, երբ տեսնում են իրենց առջև տեղադրված ապրանքները: Որպեսզի հաճախորդը գնի ապրանքը, հարկավոր է այն լինի տեսանելի մարդու աչքին: Մերչենդայզինգի պատմությունը սկսվում է ԱՄՆ-ից, երբ 1929-1933 թվականներին Մեծ դեպրեսիայի տարիներն էին: Ընկերություններն ակտիվ կերպով փորձում էին գտնել վաճառքի ավելացման նոր մոտեցումներ, որի արդյունքում պարզվեց՝ ապրանքերի ճիշտ դասավորությունը կարծես թե ավելացնում են վաճառքը:

Իսկ ի՞նչ է վիզուալ մերչենդայզինգը: Այս կոնցեպցիայի նպատակը ապրանքի դեմքը հաճախորդներին ներկայացնելն է, որտեղ հաճախորդը կարողանա հեշտ գտնել իրեն անհրաժեշտ ապրանքը և այն լինի մաքսիմալ գրավիչ:  Դա պայմանավորված է նրանով, որ 10 հաճախորդներից 7-ը գնում կատարում են հենց լավ դասավորված ու մերչենդայզինգի կանոններին համապատասխան դարակներից: Վիզուալ մերչենդայզինգի ոսկե կանոնները՝

Կանոն 1. Ապրանքի առանձնացումը իր շրջապատի ֆոնից.

Որպեսզի ապրանքը լինի նկատելի, հարկավոր է, որ դրանք լինեն մեծ քանակությամբ: Կարելի է ապրանքը դասավորել լայնակի, կամ երկարությամբ, կամ ասենք բուրգ սարքել: Էությունը կայանում է նրանում, որ մասսան շատ մեծ լինի, ինչն էլ արդեն կգրավի սպառողներին: Այս ձևը հիմնականում կիրառվում է մեծ առևտրի սրահներում, որտեղ կան բազմաթիվ մրցակիցներ և ամեն ընկերություն ձգտում է իր ապրանքը նկատելի դարձնել սպառողներին: Հնարավոր է նաև ապրանքներն առանձնացնել ոչ թե մասսայով, այլ ինչ-որ յուրահատուկ մեթոդով, որն իսկապես առաջինն աչքի կընկի, որոնք հիմնականում կիրառում են այսպես ասած բրենդային խանութները: Կարևորն այստեղ ապրանքը նկատելի դարձնելն է, ուստի հիմա կներկայացնեմ մի ընկերություն, որտեղ կնկատեք, թե ինչպիսի մեթոդով են  գրավում հաճախորդների ուշադրությունը՝

Ապրանքների յուրահատուկ դասավորությունն իսկապես կարող է նկատելի դարձնել այն միանգամից: Դիտեք, թե ճապոնական Nendo ընկերության դիզայներներն ինչպիսի հետաքրքիր մեթոդ էին մշակել 24 Issey Miyake կանացի զգեստների և ակսեսուարների խանութի համար: Nendo-ի աշխատակիցների հիմնական հանձնարարությունը պատրաստել այնպիսի միջավայր, որտեղ հաճախորդների ուշադրությունը միանգամից կգրավի Bilbao կանացի պայուսակները:

Այս պայուսակների յուրահատկությունը կայանում է նրանում, որ նրանք շատ պինդ են և պետք էր հաճախորդներին ցույց տալ այդ առավելությունը: Դրա համար ընտրվել էին ասեղի նման սուր ծայր ունեցող պլաստմասսե ցցեր, որոնց վրա դրված էին պայուսակները՝ արտացոլելով ամրությունը: Պայուսակների դասավորություն մյուս առանձնահատկությունը նրանում է, որ դրանք տարբեր գույնի են, ինչը միանգամից աչքի է ընկնում և հնարավորություն է տալիս տարբեր ճաշակի մարդկանց ընտրություն կատարել: Իսկապես տպավորիչ է՝

ինչպե՞ս քաղցրավենիքը դասավորել սուպերմարկետում

 Շատ մասնագետներ նշում են, որ քաղցրավենիքի բաժինը սուպերմարկետի իմիջն ապահովող ամենակարևոր բաժինն է և նրա լայն տեսականին սպառողների համար շատ գրավիչ է: Այս բաժինը հանդիսանում է յուրաքանչյուր մանրածախ առևտրի կետի 5 գլխավոր և եկամտաբեր բաժիններից մեկը:

Ինչ վերաբերվում է այս բաժնի ապրանքներին, ապա պատվերները նույնպես կախված են սեզոնի հետ: Ըստ հետազոտությունների, քաղցրավենիքի բաժնի ամենահանգիստ ժամանակաշրջանը մայիսից օգոստոս ընկած ժամանակահատվածն է, երբ մարդիկ ավելի շատ մտածում են հանգստի, հագուստ գնելու, ժամանցի, քան ասենք շոկոլադի, կամ հյուր գնալու մասին: Իսկ ահա մնացած ժամանակաշրջանում, երբ ակտիվանում են դասերը, աշխատանքային միջավայրը, գալիս են տոները՝ Ամանոր, մարտի 8, ապրիլի 7 և այլն, ապա պատվերների համար պետք է լավ պաշար հավաքել: Մի խոսքով, անգամ քաղցրավենիք պատվիրելիս հաշվի առեք սեզոնայնությունը:

Քաղցրավենիքները պետք է պահպանել հատուկ ջերմաստիճանում՝ 3-7 աստիճանի տակ:

Սովորաբար դարակների ամենաներքևում տեղադրվում  են թխվածքներն ու արկղներով կոնֆետները, իսկ ամենավերևում` ավելի փոքր տուփերով կոնֆետները: Սովորաբար ամենաշատը պետք է տեղադրել 12 տեսակից ոչ ավելի, քանի որ ընտրանքի մեծանալով՝ հաճախորդն այդպես էլ հնարավոր է չկողմորոշվի և մենք կորցնենք նրան: Գոնե մաքսիմում 12 տեսակ պետք է լինի: Իրականում ինչքան հնարավոր է կարող եք դասավորել, 12-ն ուղղակի ընդունված ստանդարտ էր: Թխվածքներն էլ ըստ տեսակների, ինչքան մեծ, այնքան ավելի ներքև, ինչքան փոքր, այնքան ավելի վերևի դարակում:

Քաղցրավենիքը գրավիչ դարձնելու համար շատ հաճախ օգտագործում են դեղին լուսավորություն, որն ավելի գրավիչ է դարձնում այն:

Իսկ ինչ վերաբերվում է դասավորության ուղղությանը, ապա ես օրինակ ավելի կողմ եմ, որ քաղցրավենիքը լինի ամբողջությամբ մի շարքով, քանի որ եթե լինում է երկու շարքով, ապա աջ կողմում դրվածն ավելի շատ է վաճառվում, քան ձախ, որովհետև մարդիկ աջ ձեռքով ավելի շատ ապրանք են վերցնում, քան ձախով, ուստի պետք է այս գործոնն անպայման հաշվի առնել: Դե եթե հաշվի առնենք սուպերմարկետի շահերը, նրա համար մեկ է, թե որտեղ կլինի, իսկ ահա որպես արտադրող, ես ավելի շատ հակված եմ, որ իմ ապրանքները լինեն աջ կողմի դարակներում, քանի որ հիշեք, աջլիկներն ավելի շատ են  :

Աչքի զոնայում պետք է տեղադրել ամենաշատ վաճառվող և ամենաեկամտաբեր կոնֆետները:

Ամենաթանկերը պետք է տեղադրել դարակների վերևի հատվածում: Ուշադրություն, հիմնականում հարուստները քայլում են ավելի վեր նայելով, իսկ օրինակ քիչ գումար ունեցող մարդիկ հիմնականում ներքև են նայում, ուստի թանկերը պետք է վերևում դնել՝ հենց աչքի ընկնելու համար:

Այն թխվածքաբլիթները, որոնք երկաթյա տուփերում են տեղադրված, նույնպես պետք է տեղադրել վերևի դարակներում:

Շոկոլադե սալիկներն ավելի ճիշտ կլինի տեղադրել սուրճի կողքին, քանի որ այս ապրանքները միմյանց հետ շատ են օգտագործվում՝ հատկապես առավոտյան հայերը սովորություն ունեն աշխատանքը սկսելուց առաջ մի բաժակ սուրճ ըմպեն շոկոլադով:

Երեխաների համար նախատեսված կոնֆետները պետք է դնել ներքևի դարակներում, բայց ավելի ճիշտ է որքան հնարավոր է դրամարկղին մոտ, քանի որ հերթում  կանգնած ժամանակ հավանականությունը մեծ է, որ երեխան ձեռքը կմեկնի և կվերցնի այն: Եթե չեք ուզում նման խնդիրների հանդիպել և մերժել երեխային մարդկանց մեջ,ապա մի պարզ մեթոդ՝ նրան նստեցրեք սայլակին ու ամեն ինչ լավ կլինի  :

Հետաքրքիր արդյունավետություն է լինում նաև այն ժամանակ, երբ թանկ շոկոլադե սալիկները դասավորվում են թանկ խմիչքների հետ, որը դիտարկվում է որպես նվեր, քանի որ հայերը հյուր գնալուց առաջ խմիչքն ու քաղցրավենիքը միասին են տանում: Ըստ հետազոտության, թանկ կոնֆետների վաճառքներն աճում են 30-40%-ով այն ժամանակ, երբ նրանք տեղավորված են լինում թանկ խմիչքների մոտ:

Շոկոլադե կոնֆետները՝ Snickers, Milky way և նման այլ կոնֆետներ, ավելի շատ իմպուլսիվ են գնվում, ուստի ճիշտ է այն տեղադրել դրամարկղի մոտ:

Եթե ընդհանուր դիտենք, ապա ավելի էժան ու մասսայական կոնֆետները տեղադրվում են ներքևի դարակներում, իսկ վերևում ավելի շատ տոնական փաթեթավորում ունեցողները:

Քիչ առաջ ներկայացրեցի ստանդարտ մոտեցումները, որոնց մենք հանդիպում ենք առօրյայում սուպերմարկետ մտնելիս: Իսկ հիմա մի քանի օրինակներ, թե ինչպես են քաղցրավենիքը դասավորում տարբեր մասնագիտացված բուտիկները՝

La Patisserie des reves ընկերությունը հիմնականում ներկայացնում է քաղցրավենիքներ, որոնք ունեն յուրահատուկ դասավորություն: Մասնավորապես  յուրաքանչյուր թխվածքի կտոր տեղադրված է ապակե տարայի մեջ, որտեղ ապահովված է անհրաժեշտ ջերմություն:

Մյուսը Cioccolato խանութ սրահն է, որը հատուկ մասնագիտացված է քաղցրավենիքների վաճառքի մեջ: Այս խանութի տարբերակման ամենակարևոր մոդելը դիզայնն է, այսինքն այստեղ շեշտը դրված է ախորժաբեր դիզայնի վրա՝

PEEPS & COMPANY քաղցրավենիքի խանութի հիմնական թիրախը երեխաներն են: Իսկ երեխաներին ի՞նչն է գրավում, եթե ոչ խաղալիքները: Հենց կոնֆետների ու նրանց նկարներով խաղալիքների առկայության հաշվին, այս խանութն ունենում է վաճառքի մեծ աճ և ստեղծել է հիանալի ներդաշնակություն խանութներում՝