ԳՈՐԾԱՐԱՐՈՒԹՅԱՆ ՊԼԱՆԻ ԷՈՒԹՅՈՒՆԸ

ԳՈՐԾԱՐԱՐՈՒԹՅԱՆ ՊԼԱՆԻ ԷՈՒԹՅՈՒՆԸ

Գործարարության (բիզնես) պլանը սովորաբար մշակվում է 9 բաժիններով, և որի մասին պատկերացում կազմելու համար ստորև ներկայացնում ենք նրա օրինակելի կառուցվածքը.

1. Գործարարության պլանի համառոտ նկարագրությունը (ամփոփ բաժին)

2. Տնտեսավարող սուբյեկտի արտադրանքի (ծառայության) նկարագիրը

3. Շուկայի ուսումնասիրությունը և վերլուծությունը

4. Շուկայավարություն

5. Արտադրական պլան

6. Կազմակերպական պլան

7. Գործարարության պլանի նորմատիվա-իրավական դաշտը

8. Ֆինանսական պլան

9. Ռիսկի գնահատման պլան

Նշված բաժիններից յուրաքանչյուրը ներառում է ամփոփ ցուցանիշների այնպիսի համակարգ, որոնք իրենց էությամբ արտահայտում են ձեռնարկատիրական գործունեության առանձին ոլորտների ուղղվածությունն ու դրանց ծավալները: Գործարարության պլանի կառուցվածքը և ցուցանիշներն ամփոփ կերպով ներկայացված են ստորև`

Գործարարության պլանի կառուցվածքը և ցուցանիշները

Գործարարության պլանի համառոտ նկարագրությունը (ամփոփ բաժին)

 տնտեսավարող սուբյեկտի նպատակը և խնդիրները,

 արտադրանքի մրցակցային առավելությունները,

 իրացվող արտադրանքի ծավալը,

 իրացումից հասույթը,

 արտադրական, իրացման և վարչական ծախսերը,

 համախառն և իրացման շահույթը,

 արտադրության շահութաբերությունը, հետգնման ժամկետը:

Տնտեսավարող սուբյեկտի արտադրանքի (ծառայության) նկարագիրը

 արտադրանքի անվանացանկը և մրցակցային առավելությունները,

 մասնագիտացումը, սպառողների առանձնահատուկ պահանջների բավարարումը,

 արտադրանքի գնի և որակի համակցության ռազմավարությունը,

 ապրանքի դիզայնը, փաթեթավորումը,

 արտադրանքի կենսապարբերաշրջանը:

Շուկայի ուսումնասիրությունը և վերլուծությունը

 շուկայի տարողությունը, վաճառքի ներուժային ծավալը,

 մասնաբաժինը շուկայում, ապրանքների և ծառայությունների գները,

 մրցակիցների վաճառքի ծավալը,

 արտադրանքի որակը,

 իրացման գները,

 կանխորոշումը ապագայում:

Շուկայավարություն (մարքետինգ)

 ապրանքների իրացման ուղղությունները և ժամանակացույցը,

 գովազդը,

 վաճառքի (իրացման) խթանման մեթոդները,

 արտադրանքի հետիրացումային սպասարկումը,

 ապրանքների (ծառայությունների) և տնտեսավարող սուբյեկտի մասին հասարակական կարծիքի ձևավորման միջոցառումները:

Արտադրական պլան

 արտադրանքի ծավալը,

 արտադրական կարողությունները,

 սարքավորումների, հումքի, նյութերի, վառելիքաէներգետիկ ռեսուրսների մատակարարումը,

 արտադրական կոոպերացումը,

 արտադրության տեխնոլոգիան,

 արտադրական ծախսերը, դրանց դինամիկան,

 արտադրանքի որակի վերահսկման համակարգը, կիրառվող հիմնօրինակները (ստանդարտները), թափոնների օգտագործումը և շրջակա միջավայրի պահպանությունը:

Կազմակերպական պլան

 կառավարման կազմակերպական կառուցվածքը և լիազորությունների փոխանցումը,

 աշխատողների թիվը, անձնակազմի կառուցվածքը,

 աշխատողների որակավորման մակարդակը և փորձը,

 նյութական խթանման համակարգը, և շահաμաժինների բաշխման կարգը:

Գործարարության պլանի նորմատիվա-իրավական դաշտը

 տնտեսավարող սուբյեկտի կազմակերպաիրավական ձևը,

 իրավական դաշտը, որում գործում է տնտեսավարող սուբյեկտը:

Ֆինանսական պլան

 վաճառքի (իրացման) ծավալը,

 շահույթը, այդ թվում` իրացումից և այլ գործառնություններից,

 շահույթի բաշխումը և օգտագործումը,

 ամորտիզացիոն հատկացումները,

 վարկային մուտքերը և դրանց ելքերը,

 ֆինանսական ռազմավարությունը և ներդրումները,

 եկամուտները և ծախսերը,

 շահութաբերության (վնասաբերության) մակարդակը, սեփական միջոցները (կապիտալը) և պարտավորությունները:

Ռիսկի գնահատման պլան

 հնարավոր ռիսկերը,

 ռիսկերից ինքնաապահովագրման ծրագիրը,

 ռիսկերի արտաքին ապահովագրումը: